Ma’aikatar Shari’a zata kashe N460m akan motoci da man Fetur a 2025

Ma’aikatar shari’a ta tarayya ta gabatar da kudirin kashe naira miliyan 460 domin sayen motoci, kula da su, da kuma sayen man fetur a kasafin kudin shekarar 2025.
Takardun kasafin da shugaban kasa Bola Ahmed Tinubu ya gabatar wa majalisa a ranar 18 ga Disamba ya nuna cewa za a kashe naira miliyan 350 kan siyan motoci, naira miliyan 110 kan sayen man fetur, za kuma a kashe naira miliyan 45 kan kula da motocin.
Haka zalika, ma’aikatar ta gabatar da kudirin kashe naira biliyan 1.5 don tafiye-tafiye na cikin gida da na kasashen waje.
Wannan kasafin zai shafi hedikwatar ma’aikatar ne kawai, bai shafi kudaden da hukumomi guda shida da ke karkashin ta ba.
Ma’aikatar Shari’a zata kashe N460m akan motoci da man Fetur a 2025