Mataimakin shugaban kasa, Shettima ya bar Dubai zuwa Saudiyya

Mataimakin S’dhugaban kasa, Kashim Shettima, ya bar Dubai zuwa Saudi Arabia bayan ya wakilci Shugaba Bola Ahmed Tinubu a bude wata cibiyar samar da man fetur da ajiya mai darajar Dala miliyan 315.
Bayan taron na Dubai, mataimakin shugaban kasa zai ci gaba da gudanar da Umrah a biranen Madinah da Makkah daga ranar 16 zuwa 19 ga Disamba, 2024.
A tare da Kashim Shettima akwai gwamnan jihar Borno, Farfesa Babagana Zulum.
A ranar 20 ga Disamba, 2024, Shettima zai yi wata ganawa ta musamman da shugaban bankin raya kasashen musulunci (IsDB) a birnin Jeddah.
Tattaunawar za ta mayar da hankali kan shirin haɗin gwiwar kuɗaɗe don kananan yankunan sarrafa kayayyakin noma na II da kuma inganta hadin kai a ayyukan IsDB a Najeriya don tallafa wa ci gaban tattalin arziki da aikin noma na ƙasar.
Mataimakin shugaban kasa, Shettima ya bar Dubai zuwa Saudiyya