Mbappe ya bayyana burinsa a 2025

Dan wasan kungiyar Real Madrid, Kylian Mbappe, ya bayyana burinsa na shekarar 2025.
Mbappe ya shiga Real Madrid daga Paris Saint-Germain a farkon kakar wasanni ta 2024 bayan karewar kwantiragin sa da kungiyar PSG ta Faransa.
Dan wasan na Faransa ya ci kwallo 12 a dukkanin gasar da ya shiga a wannan shekarar a karkashin horarwar Carlo Ancelotti.
A cikin hirarsa da Real Madrid TV a ranar Talata, Mbappe ya ce burinsa na shekarar 2025 shine ya zama mai kwazo, farin ciki, kuma ya lashe dukkanin gasar da Real Madrid zata buga a sabuwar shekarar.
“Burina shine in zama mai kwazo da farin ciki a 2025. Idan kana buga wa Real Madrid, dole ne ka yi fafatawa a dukkanin kofin kuma ka kawo farin ciki ga magoya baya,” in ji Mbappe.
“Muna son mu rubuta tarihinmu cikin wadanda suka bada mamaki a Real Madrid. Yanzu, Super Cup na gabanmu, kuma za mu yi aiki tukuru domin lashe shi.
“Haka kuma, muna son mu lashe gasar liga da Champions League.
Mbappe ya bayyana burinsa a 2025